Берімбай Ысқақұлы

Берімбай Ысқақұлы – қазақтың арқалы ақыны. Қазақстан Жазушылар одағының мүшесі. Қаламгер сөз өнерімен қатар дарынды сазгер, ұлағатты педагог. Берімбай Ысқақұлы 1943 жылы 24 маусымда Моңғолиядағы Баян-Өлгей аймағы Қызылқайың ауылы маңындағы Қызылтөбе деген жерінде дүниеге келген.

Балалық шағы Қызылқайың ауылында өтеді.

1959 жылы Қызылқайың ауылдық орта мектепті, 1963 жылы Арханғай аймақтық мұғалімдер техникумын, 1972 жылы Уланбатыр қаласында Мұғалімдер институтын орыс тілі әдебиетінің мұғалімі мамандығымен бітірген.

1963-1967 жылдары Қызылқайың ауылында бастауыш сынып мұғалімі,

1972-1974 жылдары Өлгей қаласында 8жылдық орта мектеп директоры, 1974-1978 жылдары 1-10 жылдық мектепте ұстаз, 1978-1979 жылдары Украина елінде кәсіптік-техникалық училищеде аудармашы, ұстаз болып еліне оралып,1979-2003жылға дейін ұстаздық қызметін абыроймен атқарып зейнетке шыққан.

Ақын 2005 жылы тарихи атамекені – Қазақстанға қоныс аударып, Астанаға уығын шаншыған. Берімбай Ысқақұлы 1992 жылы I Дүниежүзілік қазақтар құрылтайына қатысып, ақындар мүшәйрасынан бас жүлде жеңіп алып, марапатталған.

2002 жылы II Дүниежүзілік қазақтар құрылтайына екінші мәрте қатысып, ақындар мүшәйрасынан 1 орын иеленген.

Берімбай Ысқақұлының 20 шақты авторлық әндердің авторы. Ақын 2010 жылы 2 наурызда Астана қаласында дүниеден өтті. Сол жылы «Сезім селі» атты жыр жинағы жарық көрген.

Берімбай Ысқақұлының еңбегін Моңғолия мемлекеті жоғары бағалап, «Еңбек қызыл Ту», «Алтын Жұлдыз» ордендерімен, тағы басқа медальдарымен марапаттаған.

Артында 7 баласы қалды. Балалары Астана қаласында әр салада жемісті еңбек етуде.