1972 жылы 16 ақпанда қазіргі Түркістан облысы Мақтаарал ауданы «Ынталы» ауылында туған. 1994 жылы әл-Фараби атындағы Қазақ ұлттық университетінің журналистика факультетін бітірген. Журналистік еңбек жолын 1993 жылы «Ақ желкен» журналынан бастады. 1995 – 97 жж. «Ана тілі» газетінде қызмет атқарды. 1997 – 2004 жж. «Жас Алаш» газетінде тілші, спорт бөлімінің меңгерушісі, руханият бөлімінің меңгерушісі, сосын редакция меңгерушісі, 2005 – 09 жж. республикалық «Жас қазақ» газеті бас редакторының бірінші орынбасары, 2009 – 11 жж. «Жұлдыздар отбасы» журналы бас редакторының орынбасары қызметін атқарды. Қазір «Алматы ақшамы» газетінде және Ұлттық аударма бюросында еңбек етеді. «Ділдің дерті», «Ала доптың аламаны» атты кітаптары жарық көрді. Әңгімелері баспасөзде жарияланып жүр. «Алтын қалам» тәуелсіз әдеби байқауының «Жылдың үздік прозасы» аталымының 2014 жылғы жеңімпазы.
