Гүлбақыт Қасенова Тоқтанқызы 1975 жылы 18 тамызда Алматы облысы, Панфилов ауданы, Айдарлы ауылында дүниеге келген.І. Жансүгіров ат.Жетісу мемлекеттік университетінің филология факультінде (1996 ж), Ө.Жолдасбеков ат.Құқық және экономика академиясының заң факультетінде (2011 ж) білім алған. 1995-2008 жылдары білім саласында, 2008-2015 жылдары Алматы облысының тілдерді дамыту жөніндегі басқармасында жауапты қызметтерде істеді.
Мемлекеттік қызметкер, қазіргі таңда Алматы облысы әкімі аппаратының ұйымдастыру-инспекторлық жұмыс бөлімінде облыс әкімінің бас инспекторы болып істейді.
2014 жылы «Алуа», 2015 жылы «Бақыт гүлі», 2017 жылы «Құсқанаты» атты жыр жинақтары шықты. Өлең-жырлары «Жетісу антологиясы: Тау мен Өзен жырлары» (2017 ж.), «Алтын тұғыр» (2017 ж., 2018 ж.) жинақтарына енген.
«Поэзия, менімен егіз бе едің?», «Сен менің еліме бар», «Жұматай – жыр қағаны» атты жыр жинақтарын, өңірдегі тіл мәселесіне қатысты «Тіл және Тәуелсіздік» кітабын құрастырған.
2011-2014 жылдары облыстық «Жетісу» телеарнасында «Асыл сөз» зияткерлік телебағдарламасын ұйымдастырып жүргізген.
1992-1993ж.ж. «Біржанның інілері, Сараның сіңлілері» байқауының, «Студенттер көктемі» фестивалінің, 1998-2000ж.ж. Көркемсөз оқу шеберлерінің, 2015 жылы өткен «Мағжан көктемі» ІІІ республикалық өнер фестивалінің, Қазақ хандығының 550 жылдығына орай өткен республикалық, «Ел мен Ер» атты халықаралық байқаудың жүлдегері.
2014 жылы «Ерен еңбегі үшін» медалімен марапатталған.
