Мерей Қосын 1994 жылы, екінші мамырда ҚХР, Тоғызтарау ауданы, Ағарсын ауылында дүниеге келген. Алматы облысы, Еңбекшіқазақ ауданы, Нұрлы ауылының толықтай орта мектебін бітірген. Т. Жүргенов атындағы Ұлттық Өнер Академиясының «Кинотеледраматургия» мамандығы бойынша 2016 жылы бакалавр, 2018 жылы магистратураны аяқтаған. 2017-2018 жылы аралығында эразмус бағдарламасы бойынша Чехия еліндегі Яначека атындағы Музыка және Театр Өнері Академиясында (Janáček Academy of Music and Performing Arts) білім алған. Алматылық Ашық Әдеби Мектебі «Жастар әдебиеті шеберханасының» оқытушысы, жоба аясында жарыққа шыққан «Күнге қарай жүгіру», «Екі жан» кітаптарының бас редакторы. “UNIQUM” студенттік ғылыми- танымдық журналының журналисті, «New Reporter» (https://newreporter.org/kz/author/merey/) сайтында медиа сыншы ретінде қызмет атқарған.
