ҰЗАҚБАЕВ БЕГІМБАЙ 1948 жылы 15 сәуірде Қызылорда облысы Арал ауданы Қаратерең ауылында туған.
С.М.Киров атындағы Қазақ мемлекеттік университетінің журналистика факультетін және Алматы жоғары партия мектебін үздік бітірді. Мектепте ұстаз болып, комсомол, партия, кеңес органдарында жауапты қызметтер атқарды.
Облыстық партия комитетінде нұсқаушы, КСРО Министрлер Кеңесінің Дін істері кеңесінің облыс бойынша уәкілі, облыс әкімі аппаратында бөлім, сектор меңгерушісі, бас инспектор болып істеді. «Жалаңтөс баһадүр», «Қарабура», «Сопы әзиз пір», «Марал баба», «Сартай батыр», «Байқазақ» тарихи романдарымен бірге 17 прозалық кітаптардың авторы.
Бірнеше құрмет грамоталарымен, «Еңбектегі ерлігі үшін», «Ерлігі үшін», «ҚР тәуелсіздігіне 10 жыл», «ҚР тәуелсіздігіне 20 жыл», «ҚР Конституциясына 10 жыл» медалдарымен, Халықаралық Жазушылар одағының «М.Шолохов» медалімен марапатталған. «Мәдениет қайраткері» төсбелгісінің иегері. Арал және Қазалы аудандарының Құрметті азаматы.
