БЕКТЕМІСОВ АСҚАРБЕК (1951-2021) 10 ақпанда Қостанай облысының Жангелдин ауданына қарасты Көкалат ауылында туған. Целиноград (қазіргі НұрСұлтан) қаласындағы инженерлік құрылыс институтының (ЦИСИ) өндірістік-азаматтық құрылыс (ПГС) факультетін бітірген (1974).
Арқалық қаласында түрлі құрылыс мекемелерінде: «Облкомхоз» мекемесінің жылжымалы механикаландырылған колоннасы (ПМК) бастығының орынбасары, «Торғайалюминстрой» тресіне қарасты «Промстрой» құрылыс басқармасының бас инженері, «Отделстрой», «Жилстрой» құрылыс басқармаларының бастығы, «Торғайагропромстрой» бірлестігінің жылжымалы механикаландырылған 1502-колоннасының бастығы, Торғай облыстық әкімдігінде Шаруашылық басқармасының (ХОЗУ) бастығы, Астана қаласындағы «Тұрмыс» коммуналдық мемлекеттік кәсіпорын директорының орынбасары болып жұмыс істеді. Т
үрлі баспалардан «Назғұмыр», «Ахмет ұшқан алтын ұя», «Алыстан оралған ақиық» және «Найзағай ақын – Назаға» (естеліктер жинағы), «Тектілерден қалған тұяқ ем..», «Атажолға оралу», «Жүрек жылуы» (2015), «Күнбағыс көңіл» (2017) атты кітаптары жарық көрген.
