Дүйсенәлі Әлімақын – Қытай Халық Республикасы Шыңжаң Ұйғыр автономиялы өлкесі Іле Қазақ облысы Нылқы ауданында 1989 жылдың 05 қазанында дүниеге келген. 2004-2009 жылдары Қытайдың Санжы институтын «Ағылшын тілі» мамандығы бойынша бітірген. 2015-2017 жылдары Абай атындағы ҚазҰПУ-де «Қазақ тілі мен әдебиеті» мамандығы бойынша магистратурада білім алған.
2017-2018 жылдары А.Байтұрсынұлы атындағы Тіл білімі институтында ғылыми қызметкер болып жұмыс істеген.
2018-2021 жылдары республикалық «Қазақ әдебиеті» газетінде тілші болып еңбек еткен.
2021 жылдың тамыз айынан бастап «Егемен Қазақстан» республикалық газетінде тілші қызметін атқарады.
Қазақстан Жазушылар одағының мүшесі. Республикалық «Алтын тобылғы» әдеби байқауының жеңімпазы (2021 жыл). «Қараша құстар ғазалы», «Жанарымда түн сөйлейді» жыр кітаптары жарық көрген. "Болашақ" стипендиясының иегері.
