Ғылымхал Манайұлы

Басты бет

Авторлар

Ғылымхал Манайұлы

Ғылымхал Манай Имам-Ағзамұлы – ақын, әдебиетші, көркемсөз оқу шебері, диктор. «Алтын дауыс» иегері, халықаралық және республикалық байқауларының жеңімпазы.. «Türkiye bursları» халықаралық стипендиясының иегері, филология ғылымдарының PhD докторанты.

1994 жылы 12 қазанда Монғолияның Баян-Өлгей аймағында дүниеге келген. Мектепті үздік «Алтын белгімен» бітірген.

2012-2016 жыл аралығында Сәрсен Аманжолов атындағы Шығыс Қазақстан мемлекеттік университетінде «Халықаралық қатынастар және қазақ тілі мен әдебиеті» мамандығы бойынша оқып тәмәмдаған.

2015 жылы Оралхан Бөкей атындағы республикалық «Көркемсөз» шеберлерінің үш дүркін Бас жүлдегері.

2017–2019 жыл аралығында Астана қаласы «Тұран-Астана» университетінің магистратурасында оқып бітірген.

2017 жылы Әбіш Кекілбаев атындағы Республикалық «Көркемсөз» шеберлерінің Бас жүлдегері.

2019жылы Қазақ Радиосының «Алтын дауыс» дикторлар байқауының жеңімпазы.

2019–2021жыл аралығында Қазақ Радиосының жүргізушісі, диктор.

2019 - Қазақстан кітапханаларының альянсының «Халық құрметі» төс белгісінің иегері.

2021-2022 жыл Мектеп лицей, колледжде «Қазақ тілі мен Әдебиеті» пәнінің оқытушысы, педагог ұйымдастырушысы.

2021 жылы Сұлтанмахмұт Торайғыров атындағы «Көркемсөз» байқауының Бірінші орын иегері. «Саятшылық халық қазынасы» әлеуметтік парақшасының жетекшісі.

2022 жылғы «Сарыарқа серісі» жігіт сұлтаны байқауының жеңімпазы.

2022-2023жыл Түркия мемлекетінің шетел азаматтарына арналған «Түркия бурслары» халықаралық стипендиясының иегері.

Қазіргі таңда Түркия мемлекеті, Анкара қаласы, Анкара Қажы Байрам Вели университетінің «Қазіргі Түрік тілінің салалары» бөлімнің PhD докторанты