Ескендір Тасболат

1984 жылы 10 желтоқсанда Батыс Қазақстан облысы, Қазталов ауданы, Нұрсай ауылында туған.

2002 жылы Орал қаласындағы М. Өтемісов атындағы мектеп-интернатты бітірді.

2006 жылы Астана қаласындағы Л.Н. Гумилев атындағы Еуразия ұлттық университетін «Журналистика» мамандығы бойынша тәмамдады.

Әр жылдары Ақмола облыстық «Арқа ажары» газетінде, Ішкі істер министрлігінің «Жазаларды орындау» журналында тілші болып істеді. 2008-2017 жылдары Қазақстан мұсылмандары діни басқармасының республикалық «Ислам және өркениет» газетінде тілші, кейін Бас редактордың орынбасары болды.

2017 жылдың қаңтар айынан Ішкі істер министрлігінің республикалық «Сақшы» газетінің Бас редакторы.

Әртүрлі баспасөз беттерінде жарық көрген 300-ге жуық мақаланың авторы. Еліміздегі діни тақырыпқа бейімделіп, тұрақты жазып жүрген журналистердің бірі.

2003 жылы «Шабыт» фестивалінің «Журналистика» номинациясы бойынша дипломанты атанды.

Өлеңдері 2002 жылы Орал қаласында шыққан «Жас өркен» жас ақындар альманахына енген. Дін тақырыбындағы мақалары бірқатар жинақ кітаптарда басылды.