Омарбаева Дәметкен ақын. 1950 жылы туған, туған жері Шығыс Қазақстан облысының Жарма ауданы. Жетіарал орта мектебін бітірген. Семей педагогикалық институтының филология факультетін аяқтайды. Қазақстан Республикасының мәдениет қайраткері.

1975-1985 жж. аудандық және облыстық айтыстарға қатысып, жүлделі орындарды иеленген.

Айтыста белгілі айтыскер Қалихан Алтынбаевты, өмір жолында Қанипа Бітібаеваны өзіне ұстаз тұтады.

Дәметкен Омарбаева Семей қаласындағы «Халықтық ақындар орталығының» жетекшісі.

Дәметкен Омарбаеваның шәкірттері бүгінгі күні Қазақстанға танымал. Олар: Ринат Зайытов, Сара Тоқтамысова, Қарлығаш Әубәкірова, Әсем Жұмағазина, Дина Базылова, Мирас Құсайынов, Нұржан Өмірбаев, Жалғас Зейноллаев, Жасұлан Тәжиев, Бауыржан Игілік, Жасұлан Мақаев, Айдана Сегізбаева.