Сейлханов Нұрбек 1931 жылы 8 қазанда Семей облысы Ақсуат ауылында өмірге келді. Еңбек жолың «Екпін» колхозында жұмысшы болудан бастаған. 1963 жылдан бастап « Жұлдыз» газетінде әдеби қызметкер және « Семей таңы» газетінің тілшісі болып жұмыс істеді. 1984 жылдан зейнеткерлікке шыққанға дейін «Ақсуат арайы» газетінде әдеби қызметкер болып жұмыс істеді. «Жас Алаш» газетінде де көптеген мақалалары жарық көрді. 1992 жылдары ауруға шалдықты. Ол кезде осы шығайын деп отырған кітабын реттеп, «Соғыс жылдары келген немістер» атты кітабын орталап та қалған еді. Ауруы меңдеп , өмірінің ақырғы минутына он күн қалғанда :
Өзім кетіп, өлеңім жарық көрсе,
Өмірге қайта айналып бір келермін,-
деген соңғы өлең жолдарын жазып еді. Нұрбек Сейлханов 1992 жылы 61 жасында дүниеден өтті.
