Нұрбол Құдайберген

Нұрбол Құдайберген Нұрланғазыұлы – 1996-жылы 9-ақпанда Түркістан облысы, Кентау ауданы, Абай ауылында дүниеге келген.

2013-2018-жылдар аралығында Қожа Ахмет Ясауи атындағы Халықаралық Қазақ-Түрік университетінің жалпы медицина факультетінің бакалавр мамандығын тәмәмдаған.

2018-жылы 9-ақпанда Кентау қаласында Кентау қалалық орталық кітапхананың ұйымдастыруымен «Мен әзірге жұмбақпын» атты алғашқы жыр кешін өткізген.

2018-жылы 19-наурызда «Саттар Ерубаев» әдеби клубының ұйымдастыруымен «Рухани жаңғыру – ұлттық жаңғыру» атты университет аралық жыр мүшәйрасында III орын иегері.

2019-жылы қазан айында Алматы облысында өткен «Байтақ елдің Балпық биі» атты республикалық байқаудың ынталандыру жүлдегері сонымен қатар, Нұр-Сұлтан қаласының қоғамдық даму істері басқармасының қолдауымен «Біз жастарға сенеміз» атты жас ақындардың мүшәйрасының 30 үздік жас ақындарының жинағына енген.

Өлең туындылары республикалық «Қазақ әдебиеті», «Жалын журналы» басылымдарына шыққан. Сонымен қатар бірнеше қалалық, облыстық мүшәйралардың жеңімпазы.

2019-жылдың 29-30 қазан күні Қазақстан Республикасы Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КЕАҚ-ның мемлекеттік гранты аясында «Алаш мәдениеті»қоғамдық қоры Қазақстандағы Жастар жылына орай «Мүшәйра» республикалық жас ақындар байқауында үздік 50 ақынның жинақ кітабына енген.

2020-жылы «Еріктілер жылы» аясында ұйымдастырылған «Ұлы достық» атты онлайн желісі бойынша өткен республикалық жазба ақындар мүшәйрасында бірінші орынды иеленген.

2020-жылы шілде айында Қожа Ахмет Ясауи атындағы Халықаралық Қазақ-Түрік Шымкент медицина институтының жалпы хирургия мамандығын бітірді.

Ал қазіргі таңда жалпы хирургия мамандығы бойынша Ұлытау облысында дәрігерлік жұмысын атқаруда.