Жолдыбай БАЗАР – 1974 жылы Оңтүстік Қазақстан облысы (қазіргі Түркістан облысы) Созақ ауданында дүниеге келген. Түркістан қаласындағы Қ.А.Ясауи атындағы Халықаралық қазақ-түрік университетінің түлегі. Бүгінде «Егемен Қазақстан» жалпыұлттық республикалық газетінде еңбек етіп келеді. Аталған басылымда тілші, аға тілші, бөлім меңгерушісі болып қызметтер атқарған.
«Махаббаттың шарабы», «Ұлт және азамат» атты кітаптары жарық көрген. «Қорқаулық қоршауы», «Қара дақ», «Ұқсас тағдырлар», «Қатыбас», «Азғырынды», «Ақ таяқ», «Отбасы», «Бәстескендер», «Жауын құрты» т.б. романдар мен повесть, әңгімелердің авторы. Сонымен қатар баспасөз беттерінде «Көрдемше», «Ішкі көші-қонды қалай реттейміз?», «Рухани агрессиядан қалай қорғанамыз?», «Рулық институт һәм қазақ шежіресі қорғауға зәру», «Алатау батыр», «Үсенбай датқа» сынды сүйекті мақалалары жарияланған.
Журналистика саласындағы жемісті еңбегі үшін «Ақпарат саласының үздігі» төсбелгісі мен «Парламент сөзі» және «Аманат» сыйлығына ие болды.
