Мұхарбек Жәкейұлы

Басты бет

Авторлар

Мұхарбек Жәкейұлы

Мұхарбек Жәкейұлы 1974 жылы 2 қазанда Торғай облысы Жангелдин ауданы Көкалат ауылында дүниеге келген.

1991 жылы Албарбөгет орта мектебін бітірген. 1996 жылы әл-Фараби атындағы Қазақ мемлекеттік ұлттық университетінің филология факультетін тәмамдаған.

1996-1997 жылдары Қазақстан Республикасы Қарулы күштерінің қатарына мерзімді қызметін өтеген.

1998-2007 жылдары Қазақстан Республикасы Қорғаныс министрлігінің «Қазақстан сарбазы – Воин Казахстана» газетінде тілші, тілші-ұйымдастырушы, бөлім бастығы болып қызмет еткен.

Мұхарбек Жәкейұлы 2006-2007 жылдары АҚШ-та әскери журналистика мамандығы бойынша білім алды. Бірқатар Еуропа елдерінің әскери оқу орындарында тәжірибеден өткен.

2007-2008 жылдары – Қазақстан Республикасы Қорғаныс министрлігінің Мемлекеттік тілді дамыту басқармасында аға офицер.

2008-2015 жылдары Қазақстан Республикасы Қорғаныс министрлігінің Бұқаралық ақпарат құралдарымен жұмыс және қоғаммен байланыс жөніндегі департаментінде аға офицер, бөлім бастығы, басқарма бастығы болып қызмет атқарған.

2015-2017 жылдары Қызылорда облысының қорғаныс істері жөніндегі департаменті бастығының тәрбие және идеологиялық жұмыстар жөніндегі орынбасары – басқарма бастығы лауазымын атқарды.

2017-2018 жылдары Қазақстан Республикасы Қорғаныс министрлігінің Медиа орталығында басқарма бастығы болды.

2018 жылғы шілде айында запасқа шығарылды. Әскери атағы – подполковник. 2022 жылғы 9 ақпаннан бері Қазақстан Республикасы Қорғаныс министрлігінің Медиа-контент орталығы Редакциялық баспа жұмысы басқармасында аға офицер лауазымын уақытша атқарушы болып еңбек етіп келеді.

Қазақстан Жазушылар және Журналистер одағының мүшесі.

ҚР Ақпарат саласының үздігі.

І, ІІ, ІІІ дәрежелі «Мінсіз қызметі үшін» және көптеген мерекелік медальдармен марапатталған.

Бірқатар ән мәтіндерінің авторы

«Алтын ұям – Албарбөгет» публицистикалық кітабы мен «Күзгі нота» жыр жинағының авторы.