Жазушы, Қазақстан Республикасы Мемлекеттік сыйлығының лауреаты Алдан Смайылдың «Тұлға. Ұлт. Тарих» атты публицистикалық-зерттеу еңбегінде ХХІ ғасырдағы қазақ қоғамының саяси-рухани негіздері жан-жақты зерттеледі. Мемлекет пен халықтың өміріндегі тұлғаның орны жəне ұлттың тарихи рөлі жайлы жаһандық философиялық тұжырымдар арқылы кеңінен баяндалған. Ұлтшылдық, жаңа замандағы ұлттық сəйкестік, ұлттық намыс пен ұлт тілі туралы толғаныстар деректердің молдығымен жəне тың ой-байламдарымен құнды.

«Тарих пен тағдыр» бөліміндегі өткен ғасыр шындығын арқау еткен публицистикалық мақалалар бұрын белгісіз болып келген тарихи мəліметтерге бай.

Жазушының бұл еңбегі қазіргі қоғамтану ғылымына қосылған елеулі шығармашылық үлес болып табылады.