Жат құшақ
Қойшыбек Мүбарак – бүгінгі әдебиетіміздің өз тақырыбын тапқан талантты жас қаламгерлердің бірі. Оның әңгімелері бабаларымыздың кез-келгенді тереңіне бойлата бермес рухани асыл мұрасы іспеттес халықтық мифологиямыздан бастау алып жатады.
Көне дүниетаным, оның бүгінгі ұрпаққа айтар ескертпелері, заманауи өзекті мәселелердің байырғы аңыз, ырым-жолалғы секілді халықтың киелі түсініктермен салыстыра өрілуі – қолдарыңызға тиіп отырған “Жат құшақ” әңгімелер жинағының да басты ерекшелігі, соны жаңалығы деп айтуға толық қақымыз бар.
Жинақтың оқырман талғамынан шығып, жоғары баға алатындығына сенімдіміз.
