Бүгін Қазақстан Республикасы Тәуелсіздігінің 25 жылдық мерейтойына орай «Ауыл» халықтық-демократиялық патриоттар партиясының қолдауымен, шетелдегі ақындардың қатысуымен «Азаттықтың ақ таңы» атты халықаралық жыр мүшәйрасы және «Азаттығым – ғажап күнім» атты жыр антологиясының тұсаукесері өтеді. Осы іс-шараның аясында «Әдебиет порталы» Ресей, Қытай, Моңғолия, Өзбекстаннан келген ақындармен кездесу өткізді. Кездесу барысында қазіргі қазақ әдебиетінің жай-күйі, интернет әлемінде әдебиеттің сапалы насихатталуы жайында сөз болды. Ақындар өз өлеңдерін оқып, «Әдебиет порталының» «Бейнепоэзия жобасына» қатысты.
