Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Әдебиет порталының тілшісі «Алтын тобылғы» байқауы...

04.12.2020 5154

Әдебиет порталының тілшісі «Алтын тобылғы» байқауында топ жарды 12+

Әдебиет порталының тілшісі «Алтын тобылғы» байқауында топ жарды - adebiportal.kz

Қазақстан Республикасының Тұңғыш Президенті – Елбасы қоры «Алтын тобылғы» әдеби байқауын қорытындылады. Жүлде конкурс негізінде төмендегі номинациялар бойынша тағайындалды: «Жылдың үздік прозасы» Бақытбек Қадыр (Túrkistan газетінің тілшісі) Нұр-Сұлтан қаласы; «Жылдың үздік поэзиясы» Жәнібек Әлиман (Қарағанды); «Жылдың үздік драматургиясы» Қолғанат Мұрат (Алматы); «Жылдың балаларға арналған үздік шығармасы» Хамит Есаман (Тараз қаласы); «Абайдың 175 жылдығына арналған үздік әдеби туынды» Ұмтыл Зарыққан (Нұр-Сұлтан қаласы), Бағашар Тұрсынбайұлы (Алматы). Әр номинацияның жеңімпазына «Алтын Тобылғы» әдеби сыйлығының лауреаты атағы және 2 миллион теңге мөлшерінде ақшалай сыйлық берілді. Ал арнайы номинацияның жеңімпаздарына 1,5 миллион теңге көлемінде сертификат табыс етілді.

«Әдебиет порталының» тілшісі, Ұмтыл Зарыққан «Абайдың 175 жылдығына арналған үздік әдеби туынды» номинация бойынша топ жарды.

Ақын шығыстың шертпе күйіндей шерлі, шымыр, қоңыр да бұйра толқынды келетін, кейде бойлауық күйлердей өршіл жырларында ел мен жер, адам, тағдыр, махаббат, сағыныш турасындағы тұнық та мөлдір сезімдері көрініс тапқан «Бозжусан бүр жарғанда» жыр жинағының авторы. Бұған дейін де бірнеше мәрте республикалық, халықаралық жыр мүшәйралардың жеңімпазы атанған. Әдеби ортада мойындалып, есімі елге таныла бастаған әріптесімізді жүлдесімен құттықтап, шығармашылық табыс тілейміз.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Podcasts

Көп оқылғандар