Астанада ҚР Инвестиция және даму министрлігі Байланыс, ақпарат және ақпарттандыру комитетінің және "Қазконтент" АҚ-ның ұйымдастыруымен аймақтық БАҚ өкілдеріне арналған конференция өтіп жатыр.
Іс-шара тақырыбы: «Баспа БАҚ-тардың онлайн редакциялары: өзекті мәселелер мен даму перспективалары».
Конференция өткізудің мақсаты- Баспа БАҚ өкілдерінің сауаттылығын арттыру және онлайн-форматқа көшуде медиа құралдарды қолдану аясында жаңа мүмкіндіктерді көрсету.
2013 жылдан бастап, бұл формат еліміздің аймақтық БАҚ-тары редакторлары үшін тәжірибе алмасуда маңызды жобаға айналды. Дәстүр бойынша спикерлер ретінде мультимедиялық журналистика саласындағы танымал эксперттер: блогерлер, БАҚ, қоғамдық және МБМ өкілдері шақырылады.
Конференция барысында, Баспа БАҚ-тың конвергентті форматқа көшіру туралы өзекті мәселелер талқыланады. Сондай-ақ, қатысушылар медиатренерлердің практикалық мастер-кластарына қатысып, жобаның сайт жасаушы мамандарынан техникалық кеңестер алады.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
