Дүниежүзі қазақтары қауымдастығы мен Қазақстан Жазушылар одағының ұйымдастыруымен Алматыдағы Қазақстан Жазушылар одағының Әдебиетшілер үйінде 11 желтоқсан күні сағат 16:00-де жас қазақ ақындарының «Тәуелсіздік – ұраным, Атамекен – жыр әнім» атты республикалық жыр кеші өтеді.
Бұл шара Қазақстан Республикасы Тәуелсіздігінің 25 жылдығы мен Желтоқсан көтерлісінің 30 жылдығына және алдағы жылы атап өтілетін Дүниежүзі қазақтары қауымдастығының 25 жылдық мерейтойына орайластырылған.
Ел тәуелсіздігін ұлықтау, егемендікті жырлау, жастарды отансүйгіштік пен патриоттыққа тәрбиелеу мақсатында өткелі отырған бұл шараға республикамыздың түкпір-түкпірінен таңдаулы 25 ақын қатысады.
Жалынды жастардың жарқыл жырларымен сусындап, ел тәуелсіздігі ұлықталған салихалы кештің куәсі болыңыз!
