1. Ақжан Машанидің арғы атасы текті болған. Ол Құнанбаймен үзеңгілес, қатар жүрген Машан бидің немересі.
2. Ақшан Машани атақты Әл-Фарабиді ғылыми айналымға түсіріп, қазақ халқымен қауыштырды.
3. Ол – қазақ әдебиетіндегі фантастика жанрының негізін қалаушы.
4. Ақжан Машани Құран-Кәрімдегі әбжәд есебін тәпсірлеуші ғалым болған. (Қазір оның ізін жалғастырушы шәкірттері бар).
5. Ол – Алаш автономиясының өкілі, «Абай», «Ұшқын» сияқты басылымдарға тұрақты түрде публицистика жазып отырған Мәннән Тұрғынбайұлының шәкірті.
6. Ақжан Машани XX ғасырдың ортасында жазылған өзінің еңбектерінде Орта Азиядағы бүгінгі діни-экстремистік ахуал туралы болжам жасап, дәл айтып кеткен.
7. Ол – ҚР ҰҒА-ның құрылтайшысының бірі;
8. Ол – құдайға құлшылық жасауға қарсы шыққан кеңес үкіметі тұсында ешкімнен тайсалмай, мешітке намаз оқуға барып отырған.
9. Ақжан Машани Қаныш Сәтбаев сияқты тұлғалармен қатар аталуға тиісті, бірнеше кен орындарын ашқан инженер-геолог болып табылады.
10. Ол – өзінің «Әл-Фараби және Абай» атты монографиясында ғылымның ашпаған жаңалықтары діни кітаптарда жатқанын дәлелдеді.
Бағлан Оразалы
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
