«Әдеби дискурс» подкасының кезекті шығарылымында «архетип» ұғымы талқыланды. Карл Юнгтің ұжымдық бейсана теориясынан бастап, миф пен тотем, тіл мен әдебиеттегі архетиптерге дейінгі кең өріс сөз болды.
Архетиптер – адамзат жадындағы мәңгі бейнелер ғана емес, ұлт мәдениетінің де түп тамыры. Спикерлер архетиптің тілде, әдебиетте және жазушы шығармашылығында қалай көрініс табатынын нақты мысалдармен түсіндіреді.
Қонақтар: «Bolashaq» Академиясы Ғылым және халықаралық байланыс басқармасының басшысы, тілші ғалым, философия PhD докторы – Болат Хасенов пен Л.Н.Гумилев атындағы Еуразия ұлттық университеті, «Абай академиясы» ғылыми-зерттеу институты Халықаралық жобаларды үйлестіру бөлімінің басшысы, PhD доктор, әдебиеттанушы ғалым – Ләйлә Демесінова.
