Бүгін Астанадағы ҚР Ұлттық кітапханасының ұйымдастыруымен Ораза айты мерекесіне орай зиялы қауым мен оқырмандар арасында кездесу өтті.
Кездесуге келген ҚР Парламенті Мəжілісінің депутаты Оразкүл Асанғазы, ақын-жазушылар Әбіш Кекілбаев, Мырзатай Жолдасбеков, Әкім Тарази сынды зиялы қауым өкілдері мен оқырмандар кітапхана жанынан ашылған кітап музейімен танысты.
Айт мерекесіне арнайы зиялы қауымға арналып мерекелік дастархан жайылды. Белгілі жазушы Әкім Тарази бата беріп, елдің өркендеуі мен тұрақтылығын, халықтың бай-қуатты ғұмыр кешуін тіледі. Осындай игі шараларды жиі өткізіп келе жатқан ұлттық кітапхана ұжымына, кітапхана директоры Үмітхан Мұңалбаеваға келген қонақтар алғыстарын жаудырды.
Кездесуге жиналған оқырмандар зиялы қауым өкілдерімен еркін әңгімелесіп, өнегелі әңгіме тыңдап қайтты. Зиялы қауым мен оқырман арасындағы алтын көпірге айналған академиялық кітапхананың ұжымына бізде толағай табыстар тілейміз.
adebiportal.kz
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
