Қобызды қойса, тәспіні тартады,
Бақсыны ысырып, жақсыны тартады.
Қазаққа батырып, Абайша айтам деп,
Бекболат Тілеухан, тап шыны, шаршады!
Биліктің ішінде діндар боп жүреді,
Діндарлар ішінде «биліктің жүрегі».
«Халыққа пайдалы сөз айтып қалар» деп,
Қалың ел үнемі құлағын түреді.
Жұма күні намаз сабын құрайтын,
Бас мүптиден шариғатты сұрайтын,
Бес шенеунік ерте алса артынан
Болар еді-ау – «Қалаулысы Құдайдың!»
Өлеңін жазған: Қанат Ескендір
Әзіл суретті салған: Еркін Нұразхан
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
