Сәуір айының 26 жұлдызы ҚР Ұлттық академиялық кітапханасында қазіргі қазақ поэзиясындғы талантты ақындар - Ақберен Елгезек пен Ерлан Жүністің tweenbook форматында жарыққа шыққан «Ғаршы» және «Ғаусар» атты жаңа жыр кітаптарының тұсаукесер рәсімі өтті.
Поэтикалық-музыкалық кеш үш сағат көлемінде әсем ән мен сұлу жырдың аясында оқырмандар мен көрермендердің ерекше көңіл-күйіне бөленді. Кеш жүргізушісі ҚР Мәдениет қайраткері, актер, әнші, сазгер - Қадырғали Көбентай болды. Әнші Қадырғали көрермен қауым алдында гитараның үнімен өрілген халық әндері мен бірқатар таңдамалы өлеңдер орындады. Сондай-ақ Қадырғалидың шәкірті әнші-гитарист Ершат Қайырхан домбыра әуенін гитараға көшіре отырып топ алдында ерекше ықыласқа бөленді.
«Ғаршы» мен «Ғаусардың» болашағына ақ жол тілеп, ҚР Ұлттық академиялық кітапхана директорының орынбасары Ғалия Бөкейқызы тұсауын кесті. Кеш қонақтары Серік Тұрғынбек, Секен Тұрысбек және Амангелді Кеңшілікұлы қолына қалам ұстаған ақындарға өз жылы лебіздерін білдіріп, құттықтау сөздерін жеткізді.
Арнайы оқырмандар үшін «Әдебиет порталы» әдеби-сазды кештің видео нұсқасын алдағы уақытта назарларыңызға ұсынады.
adebiportal.kz
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
