Мәшһүр Жүсіп Көпеевтің мұралары 20 томдық кітап болып жарық көрді
Атақты филиософ, танымал ақын, шығыстанушы, ғалым Мәшһүр Жүсіп Көпеевтің артында қалған мұралары 20 томдық кітап болып жарық көрді, деп хабарлайды 24 арна тілшісі.
Баянауылда дүниеге келгенғұламаның парсы, араб тілдерінде жазбалары сақталған. Бар өмірін ағартушылыққа арнаған Мәшһүр Жүсіп Көпеев – дін мен ғылымды қатар ұстаған жан. Ғалым Әл-Фараби, Ибн Сина, Платон, Аристотельдің шығармаларын терең зерттеген. Бағалы жинақты құрастыруға Павлодар өңірінің танымал мәшһүртанушы ғалымдарымен қатар, мектеп оқушылар мен студенттері де атсалысты. Кітаптың тұсаукесеріне жиналған қауымның пікірінше, ғұламаның еңбектері әлі толық зерттелмеген.
Аймұхамбет Тұрышев, әдебиеттанушы:
- Ғұламаның еңбектері толық зеттелмей келеді. Ол оқыған Бұқара, Ташкент қалаларындағы мұрағаттарға барып, зерттеу жұмыстарын жүргізу керек. Діни кітаптармен қоса, араб, парсы тілдерінде шыққан еңбектерді қарастыруымыз қажет.
Қайнар көз: baq.kz порталы
