Сақ бабаңның алтын бопты киімі,
Ғұн бабаңның алтын бопты бұйымы.
Алтын бізге таңсық емес,
мәселе -
Сенің шыққан тұғырынның, биігі!
Алтын жүрек Данияр!
Алтын бізді апармапты баққа алып,
"Алтын, күміс тас екен" деп жаттадық.
Алтын алған кешегі орыс, мысалы
Алтын Ордам табанында жатты, анық.
Болат білек Данияр!
Алтынға құл болған емен салтымда,
Артымда ұл
қалса алтын, өр тұлға!
Бұл жерде де алтында емес мәселе,
Елұранын Алашымның ал, тында!
Өр, нар ғажап Данияр!
Бүктеп соққан оғландарды талай тік,
Халқыңды алтын қойдың тіпті зорайтып!
Қойынына алтын тыққан әлем тұр,
Мойыныңа алтын таққан сені айтып!
Көкжал қазақ Данияр!
17.VIII. 2016
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
