Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
СӨЗ ДАУЫСЫ
Олардың қаламнан басқа ештеңесі, бізден басқа ешкі...

14.08.2017 6244

Олардың қаламнан басқа ештеңесі, бізден басқа ешкімі жоқ!.

Олардың қаламнан басқа ештеңесі, бізден басқа ешкімі жоқ!. - adebiportal.kz

"Ақынды ақын сүйемесе, болмайды,
Ақынды ақын күйелесе, ол - қайғы", депті Мұқағали. Белгілі ақын Ерлан Жүністің ұзаққа созылған ақын-жазушылар жайлы талқыға білдірген пікірі де осыған саяды. "Адамды адам түсінбеу бір ақырет" (тағы да Мұқағали), ал ақынды ақын, жазушыны жазушы түсінбесе ше?

Ерлан ЖҮНІС, ақын:

Сен мұңайма!..

Стивен Фрайдың "Гиппопотамында" кейіпкер: "Бүкіл Англияда, Ирландия, Шотландия, Уэльсте тұратын барлық ақын бір түнде жойылып кетсе де ешкім байқамас еді. Бəлкім, 14 күн өткеннен кейін кенеттен аңғарар" деуші еді.

Жалпы, ақын я жазушы адамдарға (қоғамға) керек пе? Оның мəселесі, өзі қажет пе? Өзгені алаңдата ма? Əлде, азап шегуші, күйзелуші, қорлық көруші, қайыршылық халдегі ханзада бейнесіндегі кейпі ұнамды ма? Мүмкін, катарсис əлеуметтік қажеттілік пен мəжбүрлік арқылы жүзеге асады деп саналатын болар?.. Жан азабы жыртық шекпеннен анық көрінер? Мүмкін, Муза жалдамалы пəтер мен жылаған баланың даусына үйірсек деп түсінілетін болар?.. Мүмкін, өз тағдырының быт-шыты шыққан адам ғана ұлт, адамзат тағдырына алаңдар?.. Мүмкін, өлі ақындар анағұрлым сүйкімді болар?..

Лев Толстой "Менің ең сүйікті ақыным кім екенін білесіз бе?" деп сұрақ қояды да, өзі жауап береді: "Ол - Тютчев, онсыз өмір сүруге болмайды".

Менің ойымша, өзгелер сырт айналса да, қаламгерлер бір-біріне қамқор болуы керек. Əсіресе, жас қаламгерлерге. Олардың қаламнан басқа ештеңесі, бізден басқа ешкімі жоқ!.

Дайындаған: Наурыз САРША


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар