Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Қоңыр күздегі кездесу...

22.10.2019 4687

Қоңыр күздегі кездесу 12+

Қоңыр күздегі кездесу - adebiportal.kz

Елордалық жас ақындар мен жазушылар қоңыр күзде жүздесті. Қаламгерлердің басын қосқан «Қоңыр күздегі кездесу» атты кешті ҚР Ұлттық академиялық кітапханасы мен Қазақстан Жазушылар одағы Нұр-Сұлтан қалалық филиалы ұйымдастырды. Кітапхананың «Jastar» coworking орталығында жиналған жас қаламгерлер жастыққа тән отты жырларын оқырмандарға тарту етті.

Кеш көрігін күз туралы «Күп-күрең, күрең, күрең күз,

Күреңсе бояп беттерді.

Сенен де бір жаз өткен-ді,

Сап-сары, сары сағыныш,

Қаз қаңқылындай көктемгі» деген өлеңімен қыздырған Серікбай Әбілмәжін қатарластарының делебесін қоздырды.

Қатысушылар арасында есімдері әдеби ортаға танылып қалған Олжас Қасым, Арман Шеризат, Айдын Байыс, Алпамыс Файзолла, Бақытбек Қадыр, Дәулет Серікұлы, Серікжан Қажытай, Ауғанбай Санақұлы сынды жастар да бар. Олар өлең оқып, студенттердің сұрақтарына жауап беріп отырды. Кешке қатысқан гуманитарлық колледж студенттері көрнекті ақындардың жырларын жатқа айтып, өз шығармашылығынан да туындыларды келістіре оқыды. Жастар орталығының ұжымы әзірлеген ақындардың шығармашылығы жөніндегі көрме де кештің шырайын аша түсті. Ұлттық академиялық кітапхана Қазақстан Жазушылар одағы Нұр-Сұлтан қалалық филиалымен бірлесіп алдағы уақытта да жыр кештерін өткізуді жоспарлап отыр.

Adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар