Астана қаласында қарашаның 3-інен бері XX «Шабыт» халықаралық шығармашылық жастар фестивалі өтіп жатыр. 3-қараша күні ашылу салтанаты болды. Жиырмасыншы рет өткізіліп отырған бұл фестивальда биыл «үздік әдеби шығарма» проза саласы бойынша, балаларға арналып жазылған шығармаға берілетіні айтылған.
Бүгін жүлдегерлер тізімі белгілі болды. "Шабыттың" бас жүлдесі Алматы облысының тумасы, жас жазушы, бірнеше кітаптың авторы Қанат Әбілқайырға «Тылсым» атты туындысы үшін берілді. Бірінші орынды атыраулық жазушы Бақытгүл Сәрмек топтама әңгімелері («Жылу», «Балмұздақ», «Қоңыр қошқар») үшін алса, екінші орын астаналық қаламгер Арман Әлменбеттің «Біздің сынып» әңгімесіне бұйырды. Үшінші орынды Түркиядан келген жас жазушы Нұрбек Нұржанұлы топтама әңгімелері («Көктемгі жылу», «Қош бол, зебра», «Жұлдызға ұшқан ракета», «Тентек еді») үшін алды.
Бұдан өзге екі арнайы сыйлық тағайындалды. Бердібек Соқбақбаев атындағы арнайы жүлдені астаналық Темірлан Қылышбеков «Қара шал» әңгімесі үшін, Астана қаласының мәдениет мұрағаттар және құжаттама басқармасының сыйлығын ақтөбелік Әйгерім Қиықбай «Ағамның ақ ұшағы», «Менің құрбыларым» әңгімелері үшін алды.
Жүлде қоры
Бас жүлде – Шабыт медалі, лауреат атағы және 350 мың теңге;
1-орын – Шабыт медалі, лауреат атағы және 300 мың теңге;
2-орын – Шабыт медалі, лауреат атағы және 250 мың теңге;
3-орын – Шабыт медалі лауреат атағы және 200 мың теңге;
Арнайы жүлдегерлер дипом және 80 мың теңге сыйақы алады.
«Шабыт» фестивалінің жүлдегерлері ертең, сағат 10.00-де Астана концерт залында салтанатты жиынның жабылу қарсаңында марапатталады.
adebiportal.kz
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
