Жаны неткен, құдай-ау, сірі "халық",
Ауған асып,
Памирде жүріп арып, –
Сайтан шықты көшеге,
Сақалы – ұзын,
Шалбарының балағын түріп алып!
Жүрген жері – өрт; қараса – қопарылар,
Таудың өзін лезде жота қылар?
Бір қатынның он шақты байы болса,
Бір еркектің жүз шақты тоқалы бар!
Күндіз – түні ашылып жатады – ауы.
Алланы да – Алла деп атамауы –
Қалай?!
Бұлар Абайдан әулие ме?!
... Қазақ неге бұлардың ата жауы?!.
Кері тартпа шетінен, кердең келед,
Ғаламатты қазақсыз жерден көред;
Елден бөлек – бұлардың есіл-дерті.
Намазда да тұрады –
Елден бөлек!
Жымың қағып, жұғысып бай-төреге,
"Джиппен" сайран салады Майтөбеде.
... Ақтөбеде көшеге шықты бүгін...
... Жатыр екен қалғаны қай төбеде...
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
