Бүгін ҚР Ұлттық академиялық кітапханада күйші, жазушы, зертттеуші, кинодраматург Таласбек Әсемқұловтың «Талтүс» күй жинағының тұсаукесері өтті.
Таласбек Әсемқұлов (1955-2014) – Байжігіт күйшінің (18 ғ.) мұрасын, Кет-Бұға (13 ғ.), Қотан-тайшы (13 ғ.), Тәттімбет (19 ғ.), Жүнісбай Стамбаевтың ұмытылған күйлерін біздің заманға жеткізген домбырашы. CD-альбомға 73 күй енді. Байжігіт пен Тәттімбет күйлерімен қатар, бұрын-соңды жарық көрмеген Қотан тайшы, Қасабай, Қызылмойын Қуандық, Ақай қажы, Аққыз, Жүнісбай Стамбаевтардың күйлері және Таласбек Әсемқұловтың өзі шығарған 8 күйі топтастырылған. Жаңадан жарияланып тұрған күйлер Құрманғазы атындағы Алматы консерваториясының фольклор лабораториясынан (жетекші Саида Дәукеева), Таласбек Әсемқұловтың, Сәуле және Гсавье Аллестер (Франция), Мүслім Әмзе, Бақтияр Аманжолдың жеке мұрағаттарынан алынған.
Тұсаукесерге марқұмның ізбасар шәкірттері, домбырашылар Сәрсенғали Жүзбаев, Қайрат Айтбаев, Рүстем Нүркенов, Айтолқын Тоқтаған, Ақжусан Иманғазықызы және қобызшы Ақнар Шәріпбаева қатысты.
Кешті ақын Ербол Алшынбай жүргізді.
Әсем Бірмақова
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
