Астана қаласы Білім басқармасының Әлкей Марғұлан атындағы № 40 орта мектебінің «Марғұлан тағылымы» клубы Қазақстан Республикасының Тәуелсіздік күніне орай мектеп оқушылары арасында «Тәуелсіздік – ұраным, таусылмайтын жыр-әнім!» атты қалалық жас ақындар байқауын өткізеді. Байқаудың ақпараттық демеушісі – «Қазконтент» АҚ «Әдебиет порталы» интернет-жобасы.Байқаудың мақсаты:
• Тәуелсіз Қазақстанның әлемдік өркениет пен мәдениет биігінде алар орнын жырға қосу, насихаттау;
• Қаламгерлер ортасын қалыптастыру;
• Ұлттық поэзия ізін жалғар өскелең ұрпақтың шығармашылық өнеріне қолдау көрсету;
Қатысушыларға қойылатын талаптар:
– Байқауға 2 өлең қабылданады.
– Өлең көлеміне шектеу қойылмайды.
– Бірінші өлең – Тәуелсіз қазақ елін тақырыптық өзек етуі керек.
– Екінші өлең – еркін тақырып.
– Байқауға 7-11 сыныптар қатысады.
– Өлеңдердің тақырыптық, идеялық мазмұны мен көркемдік дәрежесіне баса назар аударылады.
– Жатқа оқу міндетті емес.
– Сахна, киім мәдениетіне де көңіл бөлінеді.
Өлеңдер мен сұраныстар astana_oner.kz@mail.ru электронды поштасында қабылданады.
Байқаудың ұйымдастырылу тәртібі:
• Келіп түскен өлеңдерді зерделеу және жеңімпаздарды анықтау мақсатында халықаралық «Шабыт» шығармашыл жастар фестивалінің Гран-при иегері, «Әдебиет порталы» интернет-жобасының жетекшісі, ақын Бауыржан Қарағызұлы, халықаралық «Шабыт» шығармашыл жастар фестивалінің Гран-при иегері, «ТӘЖ» клубының жетекшісі, ақын Ерлан Жүніс, Білім және мәдениет телеканалының тілші-жүргізушісі Бауыржан Қызырханұлы, педагог-ақын Бекмұрат Өмірбек қазылық етеді.
• Байқауға ұсынылатын шығармалар 2014 жылдың 11 желтоқсанға дейін Әлкей Марғұлан атындағы № 40 орта мектебінде қабылданады.
• Байқау 2014 жылдың 13 желтоқсанында сағат 10.00-де өтеді. Тіркелу уақыты 9.30-ға дейін.
• Жеңімпаздардың өлеңдері «Әдебиет порталында» жарияланады.
• Оқушының өмір қауіпсіздігіне жетекші мұғалім жауапты.
Байқаудың жүлде қоры:
Бас жүлде - біреу
І орын – біреу
ІІ орын – екеу
ІІІ орын – үшеу
Ынталандыру және бағалы сыйлықтармен марапатталады.
Байланыс телефондары: 87751669466; 87079963606; 87079963609 Бекмұрат Өмірбек.
adebiportal.kz
