Астана. 20 қыркүйек. Республикалық жыр мүшәйраларының жүлдегері, дарынды ақын Хамит Есаманның «Қараша хаттары» атты тұңғыш кітабы жарыққа шықты.
Ақынның жүрек қылын шертер өлеңдер жинағы 2000 мың данамен оқырман қолына тимек. Жырсүйер қауым бұл кітаптан ақынның «Естелік», «Қобыз сарыны», «Халықпыз бәрін кеш ұғар...» атты өлеңдерін де оқи алады.
Хамит Есаман «Қараша хаттары» атты тұңғыш кітабының тұсау келер рәсімін Тараз, Алматы және елордасы Астана қалаларында өткізуді жоспарлап отырғанын айтты.
Кітап ҚР Мәдениет және ақпарат министрлігінің тікелей қолдауымен Алматыдағы «Жазушы» баспасынан шыққан.
Қайнар көз: www.baq.kz порталы
