Түркістан қаласының әкімшілігі ақын, публицист-жазушы Саттар Ерубаевтың 100 жылдық мерейтойына орай, «Жалындап өткен жас ғұмыр» атты республикалық жыр мүшәйрасын өткізгелі отыр.
Жазба ақындардың республикалық жыр мүшәйрасы 2014 жылдың 10 қазанында Түркістан қаласының Халықаралық қазақ-түрік университінің Мәдениет сарайында өтеді. Мүшәйраны өткізудегі мақсат – Саттар Ерубаевтың 100 жылдығына орай ақын-жазушының рухын тербетіп, халқының бақыты жолына арнаған өмірі мен шығармашылығын насихаттау, тіл мәдениетін көтеру, халық арасынан шыққан ерекше дарынды жастарды іздеп табу болып отыр. Ескерте кететін бір жайт, мүшәйраға 18-35 жас аралығындағы ақындар қатыса алады. Ол үшін жазба ақындар мүшәйраға бұрын еш жерде жарияланбаған екі өлеңін жіберуі керек. Мүшәйра ережесі бойынша бірінші өлең С.Ерубаевқа арнау, екіншісі, Түркістан туралы болуы шарт. Жас ақындар өлеңдерін А4 форматты қағазда компьютерде теріп, 2 дана етіп ұйымдастырушыларға ұсынады. Атап өтер бір жайт, шығармалар 8 шумақтан аспауы керек. Үміткерлердің шығармаларын қазылар алқасы анықтап, жүлдегерлерді белгілейді.
Бағалау талаптары бойынша жеңімпаздар арнайы қаржылай сыйлықпен марапатталады.
Бірінші орын (біреу) –300 мың теңге
Екінші орын – (біреу) 200 мың теңге
Үшінші орын (екеу) –150 мың теңге
Арнайы жүлделер
Үміткерлер шығармаларын 2014 жылдың 22 қыркүйегіне дейін Түркістан қалалық мәдениет және тілдерді дамыту бөлімі, қалалық мәдениет үйіне тапсыруы тиіс. Ол үшін үміткерлер мынадай құжаттарын тапсыруы тиіс: Өтініші, шығармашылық мінездеме. Жеке куәлігінің көшірмесі, 9 х 14 түрлі-түсті фотосуреті, Үй және ұялы телефондары, шығармалары (2 дана). Мүшәйраға қатысушылар құжаттарын төмендегі мекенжайға жіберулері тиіс:
ОҚО, Түркістан қаласы, Есімхан алаңы, №1 Қалалық мәдениет және тілдерді дамыту бөлімі, қалалық мәдениет үйі. Байланыс телефондары: 4-21-81, факс4-21-67,пошта:tur_madeniet@mail.ru.
Қасиетті Түркістан топырағынан сыр шертіп, артына өшпес із қалдырған, жалындап өткен жас ғұмыр сәттар Ерубаев туралы жырлағыңыз келсе, мүшәйраға қатысқаныңыз абзал. Іріктеуден өткен шығармалар байқауға қатыстырылып, арнайы кітапшаға енгізіліп, баспадан шығады.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
