Бүгін 2014 жылдың 7 ақпанында қазақтың қабырғалы жазушы-қаламгері, аудармашы Герольд Бельгер 81 жасында дүниеден өтті. Тәуелсіз «Тарлан» сыйлығының иегері, 60-тан астам кітаптардың және 2 мыңнан астам әртүрлі мақалалардың авторы 81 жастағы Герольд Карлұлы Бельгер Алматы қаласындағы ҚР Президенті істері басқармасына қарасты Орталық клиникалық ауруханасында көз жұмды.
Герольд Бельгер «Парасат», «Германияға еңбегі сіңген Крест» ордендерінің иегері. Жазушы Ресей Федерациясында неміс отбасында туған. Жеті жасында қазақ жеріне қоныс аударған жанұяда ержеткен жазушы қаймағы бұзылмаған қазақ ауылында ержетіп тәрбиеленеді, қазақ тілін еркін меңгеріп, қазақ халқының әдеби мұрасынан мейілінше сусындады. Кейінгі жылдары жазушы қазақ қоғамында орын алып жатқан әртүрлі саяси-әлеуметтік мәселелерге қатысты пікірін ашық білдіріп отырды.
«Әдебиет порталы» қазақ еліне, әдебиет сүйер қауымға және марқұмның отбасына қайғырып көңіл айтады.
adebiportal.kz
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
