Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҚСЫНЫҢ КӨЗІ
Зейнолла Қабдолов және қазақ әдебиетінің өзекті мә...

26.04.2023 1404

Зейнолла Қабдолов және қазақ әдебиетінің өзекті мәселелері 14+

Зейнолла Қабдолов және қазақ әдебиетінің өзекті мәселелері - adebiportal.kz

Қазақ білімі мен ғылымының қара шаңырағы  Әл-Фараби атындағы Қазақ ұлттық университетінде 2022 жылдың 7-8 желтоқсанында қазақ әдебиеті және әдебиет теориясы кафедрасының ұйымдастыруымен көрнекті ғалым, жазушы, академик З.Қабдоловтың 95 жылдығына арналған «­Қабдолов оқулары» XV халықаралық ғылыми-практикалық  халықаралық конференция өтті. 

Конференцияның тақырыбы: «З.Қабдолов және қазақ әдебиетінің өзекті мәселелері».

Бұл конференция З.Қабдоловтың ғылыми және әдеби мұрасын қазіргі заман тұрғысынан терең таныту, отандық әдебиеттануға қосқан үлесі мен еліміздің әдеби-мәдени даму үдерісіндегі рөлін айқындау мақсатында ұйымдастырылып келеді. Академик З.Қабдолов – тек қазақ әдебиеттану ғылымы емес, сондай-ақ Қырғызстан Республикасының да ғылымына еңбек сіңірген қайраткер екені белгілі. Конференцияға еліміздің көрнекті әдебиеттанушы ғалымдары, жазушылар ,көршілес қырғыз елінен арнайы келген академик Ахматалиев бастаған ғалымдар  мен шәкіртері қатысты.

Конференция аясында 4 секция жұмыс істеді:

1. З. Қабдолов – ұстаз, ғалым, жазушы, қоғам қайраткері

2. Әдебиет теориясы және фольклортану 

3. Қазақ әдебиетінің тарихын зерттеу мәселелері

4. Әдебиетті оқыту әдістемесі.

    Сонымен қатар, конференция қорытындысы бойынша материал жинағы да шығарылады.

З.Қабдолов бір кезде «Менің Әуезовім» дегені сияқты, бұл конференцияға келгендердің, жалпы ғалымды білетін әр адамның көңіл түкпірінде өз Қабдоловы бар екені анық. Алдағы уақытта да «Қабдолов оқулары» әлі де жалғасын табатынына сенеміз. Себебі, ұлағатты ұстаздың қамқорлығын көрген шәкірттері барда ғалымның хаты да, аты да өшпейді. Әл-Фараби атындағы Қазақ Ұлттық Университетінің ұлы ұстазды ұлықтаудағы игі істері жалғасын таба бермек.

Советхан ТІЛЕУБАЕВ - доцент, ф.ғ.к.

Анар БАҒАШАРОВА - 

Қазақ әдебиеті және әдебиет теориясы

кафедрасының 1-курс докторанты


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар