Болат Манашұлы Атабаев (14 мамыр 1952 жылы туған, Алматы облысы, Тентек ауылы ) — режиссер, Қазақстанның еңбек сіңірген өнер қайраткері, «Ақсарай» театрының көркемдік жетекшісі. Алматы шет тілдер педагогикалық институтын (1974), Алматы мемлекеттік театр-көркемсурет институтын профессор Ә.Мәмбетов пен А.Пашковтың жетекшілігімен) бітірген (1983); 1990 жылы Мюнхен ұлттық театрында (Германия) стажировкада болды.
Қазақ мемлекеттік халықаралық қатынас тілдері университетін (1974), театр және көркемсурет институтын (Ә.Мәмбетов пен А.Пашков шеберханасы бойынша) бітірген (1983). 1990 ж. Мюнхен (Германия) ұлттық театрынан тәлім алған. Қарағанды облысы Теміртау қаласындағы неміс драма театрында Ф.Шиллердің «Зұлымдық пен махаббатын», А.Закстың «Өз ошағың» драмаларын, В.Гейнцтің «Жүздеген жыл толқын дарын да», «Адамдар және тағдырлар» тарихи диологиясын сахнаға шығарды. 1990 ж. Қазақ академиясы драма театрына жұмысқа ауысып, Б.Римованың «Қос мұңлық», М.Мақатаевтың «Қош, махаббат», сондай-ақ, И.Оразбаевтың «Шыңғысхан», М.Метерлингтің «Соқырлар», Р.Мұқанованың «Мәңгілік бала бейне», А.П. Чеховтың «Шағала», Ә.Кекілбаевтің «Абылай хан», Б.Брехттің «Тоғышардың тойы», М.Әуезовтің «Қарагөз», т.б. спектакльдер қойды.
Атабаев өзінің алғашқы режиссерлік өнер жолын Қарағанды облысының Теміртау қаласындағы Неміс драма театрында спектакльдер (Ф.Шиллердің «Зұлымдық пен махаббаты» т.б.) қоюмен бастады. 1990 жылы Қазақ мемлекеттік академиялық драма театрына ауысып, осында Б.Римованың «Қос мұнлық», М.Мақатаевтың «Қош, махаббат» (екеуі де 1991), И.Оразбаевтың «Шыңғыс хан» (1994), Қ.Ысқақтың «Жан қимақ» (1995), Р.Мұқанованың «Мәңгілік бала бейне» (1996), Ә.Кекілбаевтың «Абылай хан» (1998; спектакль премьерасы Астана қаласында өтті), А.Чеховтың «Шағала» (1998), М.Метерлинктің «Соқырлар» (1993), Б.Брехттің «Тоғышардьң тойы» (1999); сонымен қатар Р.Мұқанованың «Қаралы сұлу» (М.Әуезовтің шығармасы бойынша; 1997, Қазақ мемлекеттік академиялық жастар мен балалар театры), Р.Болгтың «Кішкене сері» (1981, Германиядағы Пархим театры) т.б. спектакльдерді қойып, ол батыл сахналық эксперименттерге баратын, спектакльдің көркемдік- эстетикалық мән-мазмұныy ашуға ден қоятын ізденімпаз режиссер екенін байқатты. Болат Атабаев республикалық неміс театрының директоры болды.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
