Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
«Мемлекеттік тіл және БАҚ» республикалық конкурсын...

12.06.2023 638

«Мемлекеттік тіл және БАҚ» республикалық конкурсын өткізу қағидалары 14+

«Мемлекеттік тіл және БАҚ» республикалық конкурсын өткізу қағидалары - adebiportal.kz

1. Жалпы ережелер

- Осы «Мемлекеттік тіл және БАҚ» республикалық конкурсының
(бұдан әрі – Конкурс) қағидалары (бұдан әрі – Қағидалар) мемлекеттік тіл саясатын бұқаралық ақпарат құралдарында насихаттау мақсатында әзірленді.

2. Конкурсты өткізудің міндеттері:

- мемлекеттік тіл мәселесіне қоғамның назарын аударту;

- мемлекеттік тілдің өзекті мәселелері туралы мақалалар, бағдарламалар арқылы отандастарымыздың санасын жаңғырту;

- қазақ тіліндегі контентті ұлғайту және мемлекеттік тілдің қолдану аясын кеңейту.

3. Конкурс екі номинациядан тұрады:

1) «Үздік мақала»;

2) «Үздік теле-/радиобағдарлама».

 

4. Конкурсқа кәсіби журналистер (штаттағы және штаттан тыс), телевидение және радио, газет, сайт ұжымдары, сондай-ақ осы Қағидалардың талаптарына сәйкес мемлекеттік тілдің өзекті мәселелері жөнінде мақалалар жариялаған Қазақстан Республикасының басқа да азаматтары қатыса алады. Қатысушылардан еліміздегі және шетелдердегі бұқаралық ақпарат құралдарында жарияланған мемлекеттік тілді дамыту және оның қолданыс аясын кеңейту жөніндегі мемлекеттік тілдегі, орыс және ағылшын тілдеріндегі материалдар қабылданады. Материалдар аналитикалық талдаулар, ғылыми зерттеулер, проблемалар мен олардың шешу жолдарына негізделуі қажет. Конкурс материалдарында қазақша сөйлеуді ұлттық брендке айналдырудың тиімді жолдары көрсетілгені жөн.

5. Конкурс материалдарын бағалау критерийлері:

- тақырыпқа сәйкестік;

- қамтылған ақпараттың нақтылығы мен шынайылығы;

- мәселені талдау тереңдігі;

- материалды жеткізу шеберлігі.

Конкурсқа қатысушы үміткерлердің конкурсқа ұсынған материалдары олардың кәсіби біліктерін, мультимедиалық сторителлинг және заманауи медиа мүмкіндіктерін, мемлекеттік тілді дамытудың заманауи моделін тұтас қоғамға және әрбір жеке оқырманға аша алуы қажет. Конкурсқа ұсынылатын материалдардың авторларының заманауи кәсібиленуі, оның ішінде дата-журналистік қабілеттері де (сапамен де, санмен де жұмыс жасау қабілеті) қаперге алынады.

Коммуникативтік ресурстарды орынды қолданып, заманауи медиатехнологияларды дәстүрлі журналистика құралдарымен кіріктіре отырып,мемлекеттік тіл саясатын бұқаралық ақпарат құралдарында насихаттау, сол арқылы мемлекеттік тілдің қызметі, даму жолдары мен мемлекеттік тіл саясатының түрлі қырларын, өзекті мәселелерін сапалы, сенімді және нәтижелі түрде баяндау – басты талап.

Конкурсқа қатысушылардың қазақтілді контентті қарқынды дамытудың заманауи жолдары мен инновациялық шешімдерін көрсете білуі маңызды. Әлеуметтік ортада, мемлекеттік органдарда мемлекеттік тілдің нық орнығып, еркін қолданылуында кездесетін кедергілерді айқындай отырып, негізгі шешімдер ұсыну шеберліктеріне мән беріледі.

6. Алдыңғы конкурстардағы бас жүлдемен марапатталған жеңімпаздар Конкурсқа қатыстырылмайды.

 

2. Конкурсты ұйымдастыру тәртібі

7. Қазақстан Республикасы Ғылым және жоғары білім министрлігінің
Тіл саясаты комитеті – Конкурстың ұйымдастырушысы.

8. Конкурсты өткізу туралы хабарландыру 2023 жылдың бірінші жартыжылдығында бұқаралық ақпарат құралдарында жарияланады және Қазақстан Республикасы Ғылым және жоғары білім министрлігінің интернет-ресурсына орналастырылады.

9. Конкурсқа қатысу үшін Конкурс Қағидаларының 3-тармағында көрсетілген екі номинацияның біреуі бойынша өтінім (қол қойылған, сканерлеген) til.baq@tilqazyna.kz электрондық поштасына, «Мемлекеттік тіл және БАҚ» республикалық конкурсына» деген белгімен 2023 жылғы 21 тамызға дейін (2023 жылғы 20 тамыздағы 23 сағат 59 минут 59 секундты қоса есептегенде) мынадай құжаттармен бірге жолдануы тиіс:

1) өтінім (осы Қағидалардың қосымшасына сәйкес нысан бойынша);

2) 2023 жылғы 1 қаңтардан бастап 2023 жылғы 21 тамызға дейін бұқаралық ақпарат құралдарында жарық көрген екі материалды, соның ішінде газеттер мен сайттарда жарияланған мақалалар, телевидение мен радионың бағдарламалары;

3) жарияланған мақалалардың «Word» форматындағы электрондық нұсқалары, скриншоттары (газет, сайт), теле-/радиобағдарламалардың жазбасы;

10. Конкурс Қағидаларының 9-тармағында көрсетілген мерзімнен кейін ұсынылған өтінім конкурсқа қатыстырылмайды.

11. Конкурсқа ұсынылған материалдар кері қайтарылмайды.

3. Қорытынды ережелер

12. Конкурсқа қатысушылардың жұмысын бағалау және жеңімпаздарды анықтау үшін қазылар алқасы құрылады. Қазылар алқасының құрамы тіл мен әдебиет, журналистика салаларының білікті мамандарынан, ғалымдардан, зиялы қауым өкілдерінен кемінде бес адамнан тұрады. Қазылар алқасының құрамы төрағадан және оның мүшелерінен тұрады. Байқаудың жеңімпаздары мен жүлдегерлері қазылар алқасының ашық дауыс беру қорытындысы бойынша анықталады. Қазылар алқасы мүшелерінің дауыстары тең болған жағдайда, төрағалық етушінің дауысы шешуші болып табылады. Қазылар алқасы мүшелері Конкурсқа қатысушылардан түскен материалдар негізінде дауыс беру арқылы Конкурстың екі номинациясы бойынша жеңімпаздарды анықтайды. Қазылар алқасының шешімі хаттама түрінде ресімделіп, қазылар алқасының барлық мүшелері қол қояды. Қазылар алқасының шешімі хаттама түрінде ресімделіп, қазылар алқасының барлық құрамы қол қояды. Конкурстың марапаттау рәсімі 2023 жылғы қыркүйек айында салтанатты түрде өткізіледі.

13. Байқау жеңімпаздары ұйымдастырушы бекіткен жүлде қоры мөлшерінде арнайы дипломдармен және сыйлықтармен марапатталады.

14. Конкурстың жеңімпаздары туралы ақпарат Конкурс біткеннен кейінгі 10 жұмыс күн ішінде бұқаралық ақпарат құралдарында жарияланады және Қазақстан Республикасы Ғылым және жоғары білім министрлігі Тіл саясаты комитетінің интернет-ресурсына орналастырылады.

Байланыс телефондары: 8 (7172) 27-71-33, 74-14-97, 8(701)8975047.

_________________________

 

«Мемлекеттік тіл және БАҚ» республикалық

конкурсына қатысу үшін өтінім

  • Т.А.Ә. _______________________________________________________
  • Жасы ________________________________________________________
  • Білімі____________________________________________________
  • Қызметі__________________________________________________
  • Мекенжайы______________________________________________
  • Байланыс телефондары_________________________________________
  • Мақала, бағдарлама, БАҚ атауы, жарияланған күні:
  • Қосымша ақпарат __________________________________________

1)_____________________________________________________________

2)______________________________________________________________

Қолы

Күні


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар