Бүгінгі туған күн иесі
Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
Қазақ тілін шетелдік аудиторияда оқытудың әдіс-те...

14.09.2022 400

Қазақ тілін шетелдік аудиторияда оқытудың әдіс-технологиялары 14+

Қазақ тілін шетелдік аудиторияда оқытудың  әдіс-технологиялары - adebiportal.kz

КИМЭП университеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығымен бірлесе отырып, «Қазақ тілін шетелдік аудиторияда оқытудың әдістері мен технологиялары» атты республикалық онлайн-семинар өткізді. 

Семинар қазақ тілін шетел азаматтарына оқыту әдістемесін жетілдіру, тәжірибе алмасу мақсатында ұйымдастырылып отыр. 

Семинар Ш. Шаяхметов атындағы «Тіл-Қазына» ұлттық ғылыми-практикалық орталығының Бас директоры, ф.ғ.к. Ербол Тілешов және КИМЭП университетінің Білім беру және гуманитарлық ғылымдар факультетінің деканы, ф.ғ.к., Ph.D Жұлдыз Смағұлова құттықтау сөзімен ашылды. 

Назарбаев Университетінің Қазақ тілі мен түркітану департаментінің меңгерушісі, профессор Юлай Шамильоғлы: «Шетелдіктерге қазақ тілін оқыту (Kazakh as a Foreign Language) саласында халықаралық және Назарбаев университетінің тәжірибесі», Әл-Фараби атындағы Қазақ ұлттық университетінің ЖОО дейінгі білім беру факультетінің доценті, ф.ғ.к. Гүлбағиза Мұсаева: «Қазақ тілін үйретудегі етістіктің шақ категориясы», Әл-Фараби атындағы Қазақ ұлттық университетінің профессоры, ф.ғ.к. Бақыт Айтбаева: «Шетелдік аудиторияда қазақ тілін оқытудың табиғи әдістері», КИМЭП университетінің лекторы, п.ғ.к. Ләйлә Ерменбаева: «Шетелдіктерге қазақ тілін оқытуда сөйлеу дағдысын дамытудың тиімді әдістері», Назарбаев Университетінің Қазақ тілі мен түркітану департаментінің оқытушысы, магистр Айдар Балабеков: «Шетелдік студенттермен айтылым бойынша жұмыс түрлері» тақырыбында баяндама жасады. 

Баяндама мазмұны қазақ тілін шетелдіктерге үйретудегі әр түрлі тың тәжірибелер, басқа елдердегі тіл үйретудің озық үлгілері, әдістемелер, тәсілдерін қамтиды. 

Семинарға белгілі ғалымдар, өңірлік тіл орталығының мамандары, мектеп оқытушылары, Қарағанды медициналық университетінің оқытушылары, шетелдегі тіл оқыту орталықтарының оытушылары, тіл жанашырлары, БАҚ өкілдерінен 100-ден астам адам қатысты. 


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар