Жазушы Әміржан Әлпейісовтың шығармашылық кеші өтті
Бөлісу:
Әміржан Әлпейісов 7 кітап, 4 оқу құралы және жүзге тарта ғылыми-публицистикалық мақалалар мен материалдардың авторы. «Сурок-беглец», «Жас тұлпар дүбiрi», «Азаттық аңсаған Сарыарқа», «Ностальгия», «Күз» атты әңгімелер жинағында Әміржан Әлпейісов мұрағат материалдарын пайдаланып, қазақ зиялы қауымының өткені, бүгіні, болашақтағы сабақтастығы идеясын көтерген.
Автордың кітаптары әртүрлі тілдерге аударылған, Германияда неміс тілінде «Ностальгия» атты әңгімесі, поляк тілінде «Қашқын суыр» атты повесі жарық көрді.
Қазір Әміржан Әлпейісов тарихи тұлғалар – қолбасшы-генералдар Ғұбайдолла Жәңгіров, Лавр Корнилов бейнелерін сомдау үстінде.
Әміржан Әлпейісовтың кітаптары, көптеген жарияланымдарымен арнайы кітап көрмесінде танысуға болады. Бұдан бөлек, бұл кеште «Жас тұлпар» адамдары жолдарымен» атты деректі фильм мен жазушы шығармашылығы туралы фильм көрсетілетін болады. Шығармашылық кешке Астананың қоғам және зиялы қауым өкілдері, Л.Н.Гумилев атындағы ЕҰУ оқытушылары, ҚР Білім және ғылым министрлігің Мемлекет тарихы институты қызметкерлері, Ақмола облысы ішкі істер Департаментінің тыңдаушылары қатысып пікір алмасты.
Бөлісу: