Нобель сыйлығын француз жазушысы Энни Эрно алды

2022 жылғы Әдебиет саласы бойынша Нобель сыйлығы француз жазушысы Энни Эрноға берілді.  

Стокгольмдегі Швед академиясы 2022 жылғы әдебиет бойынша Нобель сыйлығына лайықты деп жазушы Энни Эрноны таңдады. Француз жазушысы бұл сыйлықты «жеке жадының жадылық тегін, кірбеңін һәм тобырлық қақпайлауды батыл да сезімталдықпен ашып көрсеткені үшін» алды. Комитет бүгінгі әлемде болып жатқан жағдай емес, әдебиет пен шығарманың сапасы маңызды екенін атап өтті.

Нобель сыйлығына үміткерлер қатарында «Бос шкафтар» және «Оқиға» сияқты негізінен өмірбаяндық туындылардың авторы Энни Эрно, сондай-ақ ол тізімде Стивен Кинг, Мишель Хуэлбек, Гариэль Луц, Пьер Михон, Харуки Мураками, Энн Карсон, Людмила Улицкая және Салман Рушди болды.

Швед ғалымы және өнертапқыш Альфред Нобельдің өсиетіне сәйкес, әдебиет сыйлығы осы салада «идеалистік бағыттағы ең көрнекті шығарма» жасаған адамға берілуі керек. Лауреатты Швед академиясының 18 мүшесі таңдайды.

1901 жылдан 2021 жылға дейін осы салада 118 адам Нобель сыйлығын алды, олардың ішінде көптеген ұлы авторлар бар, мысалы: Морис Метерлинк, Ромен Роллан, Кнут Гамсун, Анатоль Франс, Бернард Шоу, Томас Манн, Иван Бунин, Герман Гессе, Уильям Фолкнер, Эрнест Хемингуэй, Альберт Камю, Борис Пастернак, Джон Стейнбек, Жан-Поль Сартр, Михаил Шолохов, Александр Солженицын, Габриэль Гарсиа Маркес, Уильям Голдинг, Джозеф Бродский, Гюнтер Грасс, Дорис Лессинг.

Ең жас жеңімпаз британдық жазушы Редярд Киплинг (1907 жылы сыйлық алған кезде ол 41 жаста еді), ал ең үлкені Дорис Лессинг 2007 жылы 88 жасында Нобель сыйлығын алған.