"Уақыт жүрегі" республикалық жыр мүшәйрасына шақырамыз 14+

"Уақыт жүрегі"

РЕСПУБЛИКАЛЫҚ ЖЫР  МҮШӘЙРАСЫ

Алматы облыстық орталық әмбебап кітапханасы Халықаралық «Алаш» әдеби сыйлығының иегері, ақын, драматург Бақыт Беделханның 50 жас мерейтойына арналған "Уақыт жүрегі" республикалық ашық бәйге жариялайды.

Бәйгенің мақсаты:

Алматы облысының тарихы мен табиғатын жырлау;

Таңбалы тастан тәңір тауға дейінгі аралықтағы қасиетті жерлер – Қапшағай, Іле, Есік көлі, Есік қорғаны, Шарын шатқалы, Көлсай көлдері, Таңбалы тас, Ассы, Қарқара, Шалкөде, Бұғыты, Қарадала сияқты таңғажайыпқа толы табиғатымыз бар. Жұмбаққа толы мол қазынамызды ақындардың жырларына арқау ете отырып, облысымыздың өзге өңірлерінен орны бөлек екенін танытып, бүкіл қазаққа рухани байлығымызды паш ету. Тәуелсіз еліміздің әр азаматы сезіне алатын Бақытты жырлап ұлт пен ұлыстардың ынтымағы мен бірлігін, туыстығымен тұтастығын ту ету.

Бәйгенің бағыты: Үш тақырыптан тұрады

1. "Табиғаттың тылсым әуезі"

2. “Ұлт тұтастығын ту еткен” 

3. “Бақыт туралы жыр”

Бәйгенің шарттары:

1. Ашық бәйгеге республиканың барлық ақындары қатыса алады. Жас шектеуі жоқ. 

2. Бұрын жазылмаған, айтылмаған тарихи жерлерді қозғаған автордың бәсі басым болады;

3. Әр тақырып бойынша жазылған өлеңдердің ең ұзағы 15 шумақ

4. Жеке тұлғаға қатысты шығарма бағаланбайды

5. Бәйгеге жіберілетін материалдар электронды   almatyoblkitaphana.oner@gmail.com  почтаға жіберіледі:

• Мәтін 14 өлшемді Times New Roman қарпімен теріледі; жоларалық интервал – 1 см; абзац шегінісі – 1,25 см; беттің оң жағынан – 3 см, үстіңгі және астыңғы жағынан – 2 см, сол жағынан – 1,5 см кеңістік қалдырылады.

• Шығарма авторы аты-жөнін, мекен-жайын толық жазуға міндетті:

6. Байқауға өтінімдер 2025 жылдың 23 қаңтарынан бастап, наурыз айының 20 жұлдызына дейін қабылданады. Байқау  1  сәуір сағат 18:00-де қорытындыланады. 

    7. Байқауға қатысушы жеңімпаз атанған жағдайда марапаттау рәсіміне өз есебінен келеді;

  8. Марапаттау Бақыт Беделханның туған жері – Алматы облысы, Шонжы ауылында өтеді.

  9. ЖҮЛДЕЛІ ОРЫНДАР (ӘР НОМИНАЦИЯ БОЙЫНША):

• І орын – 1 жүлде
• ІІ орын – 2 жүлде
• ІІІ орын – 3 жүлде 

ӘДІЛҚАЗЫ МҮШЕЛЕРІНІҢ БАҒАЛАУ ПАРАҒЫ

• Дыбыс сиқыры: Дыбыстық симфонияны меңгергені үшін ұпай беру – ақынның ұйқаспен, аллитерациямен, ассонанспен қаншалықты ойнай алатындығы. Дыбыстар мағына сияқты маңызды болуы мүмкін.

• Форма арқылы экспрессия: эмоцияны білдіру үшін сөзді қолданып қана қоймай, сонымен қатар өлең формасының өзі сол эмоциялардың көрінісіне айналатын жұмыс үшін ұпайлар беріледі. Мысалы, қысқа жолдар уайымға, ұзын жолдар ойлауға арналған.

• Контраст үндестігі: Өлеңдер мен тақырыптар арасында контраст жасай алатын ақындарды мадақтау, мысалы, өрескеллік пен нәзіктіктің, қараңғылық және нұрлы бейнелердің, шындық пен қиялдың араласуы.

• Оригиналдық пен креатив: Тақырып, тәсіл, стилистика және ойын қысқа да нұсқа жеткізе/білдіре/сездіре алуы. Шығарманың басқалардан қалай ерекшеленетінін және таныс тақырыптарға жаңа көзқарасты көрсететінін бағалау.

• Шығарманың мазмұнының тереңдігі: Өлеңнің маңызды да өзекті тақырыптарды қозғауы, оның қаншалықты көп қатпарлы болуы және оқырманға ой елегінен өткізуге мүмкіндік беруі.

*Әр критерий 1-10 балдық жүйемен бағаланады

Туындаған сұрақтар бойынша төмендегі нөмірге хабарласуға болады: 

Алматы облыстық орталық әмбебап кітапханасының жұмыс нөмері – 8 708 171 81 35;

Жұмыс уақыты: дүйсенбі-сенбі / 09:00-18:00