Әрмиябек Сағындықұлы 1956 жылы 13 желтоқсанда Қытай Халық Республикасының Алтай аймағы, Буыршын ауданы, Шұңқыр ауылында туған.
Іле педагогика институтын 1982 жылы, Шыңжаң педагогика университетін 1988 жылы бітірген.
Іле институтында, Шыңжаң педагогика университетінде оқытушы болған. 1993 жылдан бері Қазақстан Республикасы Ұлттық ғылым академиясында ғылыми қызметкер.
1989 жылдан бері әдебиет зерттеумен, әдеби аудармамен, шығармашылықпен айналысады. «Тарбағатай», «Шұғыла», т.б. баспаларда көптеген зерттеу еңбектері жарық көрген.
