Лидия Степанова (1946–2003)
2 қазанда Ленинград облысындағы Колпино қаласында туған.
Сондағы №265 орта мектепті, университеттің филология факультетін, 1975 жылы М.Горький атындағы Әдебиет институтын бітірген.
1978 жылдан «Жалын» және «Жеті жарғы» баспаларында редакция меңгерушісі, «Простор» журналында бас редактордың орынбасары болды. Негізгі саласы – поэзия аудармасы. Өзінің төл шығармаларынан басқа, қазақ ақындары М.Жұмабаев, Қ.Мырза-Әли, Ж.Әбдірашев, Т.Әбдірахмановалардың, неміс ақындары Н.Пфеффердің, Г.Генкенің өлеңдерін аударып, жеке кітап етіп шығарған. Көптеген шығармаларды қазақ, неміс, француз, тәжік, бурят тілдерінен аударған.
Сондай-ақ жазушы Б.Нұржекеевтің «Күтумен өткен ғұмыр» атты романын орыс тіліне аударды.
Шығармалары: Два легких крыла. Стихи. А., «Жазушы», 1976; Слушая сказку. Стихи. А., «Жалын», 1977; Земное лоно. Стихи. А., «Жалын», 1981; День-деньской. Стихи и сказки для детей. А., «Жалын», 1982; Тимоха и Пушок. Стихи и сказки для детей. А., «Жалын», 1986; Вначале было… Стихи. А., «Жалын», 1989; В каком-то из этих миров. А., 2004.
