Оқырман сұранысы және баспа болашағы

11 маусым 2026 3438

«Әдебиет порталының» «Сәті түскен сұхбатында» «Алматыкітап» баспасының Жобалық PR бөлімінің басшысы Гулмарал Қабдолашева мен «Отбасы хрестоматиясы» баспасының директоры Бағдат Құдияр қонақта болып, баспа жұмысы, авторлық құқық, оқырман сұранысы жайында жақсы әңгіме айтылды. Баспагерлердің әңгімесіне қарағанда, кітап шығару ісі, оны тарату, оқыту да оңай шаруа емес екен. Гүлмарал ханым: «Бізде оқулықтар, дәптерлерге қатысты контрафакт көп, мұндай заңсыздыққа баратындар тек қана баспаның ақшасын жеп жатқан жоқ, автордың да ақшасын жеп жатыр», - дейді. Бағдат мырзаның айтуынша, «Өзбекәлінің» көшірмесі (ксерокс жасаған нұсқасы) қара базарда өте арзан бағада сатылыпты, оған басында өздері «әйтеуір, халық оқып жатыр ғой» деп қуанған кездері де болған екен. Осындай қиындықтарға қарамастан баспалар уақытқа ілесіп әрекет жасап жатыр. Баспагерлердің айтуынша, балалар әдебиеті мен өмірбаяндық дүниелерге сұраныс жоғары.