Алматылықтар жазушы Елдос Тоқтарбаймен кездесті
Алматы қаласында танымал жазушы, алаштанушы Елдос Тоқтарбаймен кездесу өтті. Онда автордың «Алаш әліппесі. Алаш қозғалысының тарихы» деген жаңа кітабы жұртшылыққа таныстырылды. Кітапта Алаш идеясының қалыптасуы, Алаш партиясы мен Алашорда үкіметінің құрылуы, ұлт көшбасшыларының саяси қызметі, ағартушылық мұрасы мен азаттық жолындағы күресі тарихи деректер негізінде ықшам әрі көркем тілмен баяндалады. Бұл еңбек оқырманды Алаш қайраткерлерінің өмірімен ғана таныстырып қоймай, олардың тәуелсіздік, білім, ұлттық мемлекет және елдік мұрат туралы ұстанымдарын түсінуге жетелейді. «Алаш әліппесі» – ұлттық сананы жаңғыртып, тарихи жадыны нығайтатын, жас ұрпақтың отансүйгіштік рухын қалыптастыруға қызмет ететін құнды кітап.
Фото авторы: Елдос Тоқтарбай
Көп оқылғандар
