Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
«Тәуелсіздік: Сөз бен Сурет» онлайн-байқауы бастал...

21.04.2021 4882

«Тәуелсіздік: Сөз бен Сурет» онлайн-байқауы басталды 12+

«Тәуелсіздік: Сөз бен Сурет» онлайн-байқауы басталды - adebiportal.kz

ҚР Тәуелсіздігінің 30 жылдығына орай Қарағанды облысы әкімдігі мәдениет, архивтер және құжаттама басқармасының қолдауымен «Мәдениет порталы» ақпараттық агенттігінде тұңғыш рет өткізіп жатқан «Тәуелсіздік: Сөз бен Сурет» атты ақындар мен суретшілер арасындағы республикалық онлайн-байқауы жарияланды. Онлайн-байқаудың жүлде қоры - 7 600 000 теңге.

Бұған дейін елімізде болмаған бұл мега жобаның негізі мақсаты – Республикадағы суретшілер мен ақындардың шығармаларын насихаттау һәм таныту, олардың туындылары арқылы Қарағанды облысының тарихи тұлғаларын, мәдени ескерткіштерін, сакралды орындарын, табиғатын, Тәуелсіздік кезеңінде өлшеусіз үлес қосқан тұлғалардың есімін асқақтату, поэзия мен сурет өнерінің үндестігін бағалау әрі бағамдау, оқырман қауымның модерндік ортасын қалыптастыру.

Байқаудың ерекшелігі – өнер сайысына қатысушы ақындар мен суретшілердің жас ерекшелігіне шектеу қойылмайды, яғни кез-келген жастағы шығармашылық тұлға қатыса алады.

Онлайн-байқау қазақ және орыс тілінде өтеді. Байқауға республиканың барлық облыстары пен мегаполистеріндегі суретшілер мен ақындар шығармаларын «Мәдениет порталына» онлайн түрде өз қолымен тіркей алады. Ол үшін үміткерлер «Мәдениет порталына» тіркеліп, бұрын еш жерде жарияланбаған, конкурсқа ұсынылған шығармалары мен жеке мәліметтерін порталда көрсетілген «Шығарманы қосу» батырмасы арқылы орналастыра алады. Сонымен қатар онлайн-байқаудың басқа да шарттарын «Мәдениет порталындағы» Ережесінен оқып алуға болады.

«Тәуелсіздік: Сөз бен Сурет» атты ақындар мен суретшілер арасындағы республикалық онлайн-байқауы аясында жеңімпаз Ақындардың өлеңдері қазақ, орыс және ағылшын тілдеріне аударылып, Суретшілердің картиналарымен бірге арнайы альбом дайындалады. Жеңімпаздардың шығармаларынан құралған аталмыш альбом ағылшын және орыс тілді мемлекеттердің ұлттық кітапханаларына жолданады. Мұнымен қоса альбом арнайы түсірілген бейнероликтерге сілтеме берілген QR-кодтармен жарық көрмек.

Онлайн-байқау 2 кезеңмен өтеді: 1-кезең – Суретшілер үшін; 2-кезең –Ақындар үшін. Байқаудың Суретшілерге арналған 1-кезеңі 20.04.2021 – 20.06.2021 аралығында өтеді. Жеңімпаз 8 суретші анықталып, үздік 8 картина ашық жарияланады. 26.06.2021 – 26.07.2021 аралығында өтетін байқаудың Ақындарға арналған 2-кезеңінде үздік 8 суреттің біреуін таңдап, сол сурет туралы 1 поэзиялық шығармасын (өлеңін) жолдау арқылы қатыса алады.

Жеңімпаздардың жүлделері төмендегідей табыс етіледі:

● Екі Бас жүлде /ақын мен суретшінің әрқайсысына/ тең бөлінеді – 2 000 000 тг

● Екі І орын /ақын мен суретшінің әрқайсысына/ тең бөлінеді – 1 600 000 тг

● Төрт ІІ орын /ақын мен суретшінің әрқайсысына/ тең бөлінеді – 2 000 000 тг

● Алты ІІІ орын /ақын мен суретшінің әрқайсысына/ тең бөлінеді – 1 800 000 тг

● Екі ынталандыру сыйлығы /ақын мен суретшінің әрқайсысына/ тең бөлінеді – 200 000


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар