Nizami ZÖHRABİ

                                                      

ZAMAN

Zaman keçər, köhnələr hər şey,

Fəqət səssiz dəyişməyə məruz qalaraq

Əvəzlənər yenisiylə.

Zaman keçər,

İnsan köçər.

Ancaq yenə də yaşayar

Yeni nəsillərlə dəyişdirərək yerini.

Zamanın hər dönəmi

Sıralanıb əvəz edər bir-birini.

Gedər öndəkilər,

Yetişər yeni nəsillər.

Davam edər bu xüsus

Bu fani dünyada.

Əbədiyyətin varlıqları dəyişər,

Sonra məlum olmayan zaman gələr. 

Yerini dəyişdirərək 

Gedərsən sən də bir gün.

Və təzələnər bu dünya,

Təzələnər bu aləm dəyişərək bütün.

QIZLARIN YOLU

Gizlənməyən bir duyğu var,

Baxanda özünü büruzə verən duyğu.

Hissiyyatına qurban olum,

Zərif duyğulara layiqsən,

Anlayıram, bilirəm mən,

Biganə qalmaq deyil asan.

Elin dediyi kimi

Həm incə, həm çətin olan yol

Qızların yoludur.

İT HÜRƏR

Karvan gedir, 

İt hürür.

Hərəkət edir köç,

Uzaqdır onun getdiyi yer.

İt hürdü deyə

Dönməz karvan geriyə.

İtlərin məqsədi var:

Olsun sahibləri xəbərdar.

Karvana cumaraq itlər

Ağız atıb dişləyərlər.

Karvansa gedər durmadan,

Səmtini burmadan,

Davam edər yoluna.

Köç ötənə qədər,

Gözdən itənə qədər,

Nəfəsi bitənə qədər

İt hürər...

***

Hamı itə gülər.