Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Қиырдағы қазақтар деректі фильмінің тизері жарық к...

26.12.2017 3827

Қиырдағы қазақтар деректі фильмінің тизері жарық көрді

Қиырдағы қазақтар деректі фильмінің тизері жарық көрді - adebiportal.kz

«Қиырдағы қазақтар» деректі фильмінің тизері жарық көрді, бұл туралы «Qazcontent» АҚ Басқарма төрағасы Е.Д.Кочетов өзінің фейсбук парақшасында хабардар етті.

«Сонымен, «Qazcontent» АҚ «Қиырдағы қазақтар» фильмінің тизерін назарларыңызға ұсынады. «Қазақстан тариxы» интернет-порталының жетекшісі Олжас Беркінбаев пен жоба ұжымы қыруар шаруаны бітіріп, мыңдаған шақырымдарды артқа тастап, өзге елдегі қандастарымыздың тыныс-тіршілігін көрсеткісі келуде», - деді Е.Кочетов.

Деректі фильмнің басты мақсаты шетелдегі қандастарымыздың тыныс-тіршілігін көрсету. Жуық арада фильмнің бірінші сериясы жарыққа шығады, алғашқы тоқтаған ел - Ресей. Моңғолия қазақтары туралы фильмде түсірілім жұмыстарын аяқтап, монтаждалу үстінде. Фильм келер жылы Өзбекстан, Тәжікстан елдерінде жалғасын табады деп күтілуде.

Естеріңізге сала кетейік, үстіміздегі жылдың шілде айында ОКҚ-де ҚР Ақпарат және коммуникациялар министрі Дәурен Абаевтың қатысуымен шетелдегі қазақтардың тариxы мен күнделікті өмірлерін көрсететін ауқымды жобаның басталғанын мәлімдеген брифинг өткен еді. Сол уақыттан бері алыс-жақын шет елдерде түсірілім жұмыстары жүргізілді.

adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар